اعشقوا الجمال وانبذوا القبح

انظروا الفن الجميل وانبذوا القبح

ما تيجى نحلم

الحلم 

نأكل عيش

طيب ما إحنا بناكل

بس بناكل على قفانا تمن العيش

أبو حسين يا خفة يا ظريف عندك حل

ايوه أنا عندي الحل

يا ولد......؟

التاريخ من أيام اسمه إيه قالوا مصر خارج حزام القمح ...هتقول لي طبعا شعارات المجانين نزرع الصحراء ونزرع ارض سيناء وان الأمة المصرية التي عبرت وقررت وصمدت ......دماغنا يابا ....أهرش بعيد عننا

 ومين قال لك يا أستاذ هنعمل عيش قمح؟

يا حلاوة ....عيش ذرة ...عيش برسيم ...؟

أولا :- ما هو الطعام ؟ تخرس خالص منك لها لحد ما انفخي يطلع كل العبقرية قصدي العبقريات اللحى فيه

الطعام هو مواد يتناولها الإنسان وتقوم بهضمها المعدة وتحولها إلى مواد سائلة يمتصها الجسم عن طريق الدورة الدموية لاستمرار المحافظة على الجسم واستمرار الحياة

يابا الكلام ده عارفينه العيال اللي لسه متولدوش ...؟ غيره

يبقى مش لازم قمح ؟

نخبز عيش بطاطس ...عيش بطاطا....عيش بنجر....؟

يا ابني ابعد عنى ....طب خليني معاك هنخبز بطاطس عالمطرحة ازاى ؟ وهترميها فى فرن بلدي ازاى ...هتتهرى يا افندى ؟

يبقى نخلط عجين البطاطس بحاجة تجعله يتماسك ؟ دقيق رز....دقيق قمح ....و ساعتها القمح اللى هيفيض من التصدير يكفى لخبز مصر كله 

جميل طيب نسوان مصر يروحوا ماكينة طحين ين ؟

بتتريق كل واحدة هتجيب مطحنة زى خلاط مثلا تهرس البطاطس او البطاطا فيه .....تضاف المياه ...وكل واحد ومقدرته ..مياه بالقرنفل ..بالقرفة...بالجنزبيل ... يضاف قليل من دقيق الارز لزيادة الصلابة ....يضاف كمية مناسبة من دقيق  القمح  لايجاد الليونة والتماسك ..اوعى تنسى الخميرة ....تنادى على الولية الخبازة ...تحمى الفرن...تقرص العجين ...ترحه بالمطرحه....ترميه فى الفرن ...الف هنا وشفا ...شوف انواع العيش بقى ....هتبقى قد ايه وشوف عندك كام طعم..وشوف منظر الرغيف  

ماشى يا ابو حسين ....البطاطس غاليه ! هه بقى

فدان البطاطس ...او فدان البطاطا...ينتج حوالى 30 طن ...مع اضافة المياه هيجيب عيش ارخص من بتاع القمح الامريكانى اللى جاب لنا الصرصور الامريكى القذر ...او قمح روسيا اللى مليان حشرات ....

يحيا افكارك يا ابو حسين

يحيا الجنون والخلل

خلاص خليك فى عيش الضرب على القفا

وحل الفزورة دى بعد الدول تقول مش مصدرين لكم قمح

غلى واختفى

تطوله بعد الوقوف فى طابور

تاخد بالعصاية

تاخد عالقفا

وتروح ساعات من غيره

مراتك تقولك فيش الغموس

يا راجل جاموس

هنحشى المعده ايه ؟

جمهورية ابو حسين الكبرى

لقد قررت الانفصال وتأسيس جمهورية أبو حسين الكبرى للأسباب التالية :-

• زيادة أعداد بالجمهورية حيث بلغ عددهم ( واحد) اللي هو أنا

• احتياج الجمهورية إلى كيان مستقل للإشراف والقيادة

• اتساع الرقعة الزراعية حيث بلغت عدد(واحد) قصريه لزراعة الزهور ولم يتم زراعتها حتى تاريخه وتستخدم الآن لأغراض إعداد السماد البلدي لحين الزراعة

• كثرة الأنشطة الغذائية الصناعية حيث أن عدد المشروعات يصعب حصره نذكر منها على سبيل المثال

• مشروع الفول النابت وما يحتاجه إلى بنية أساسية تتمثل فى الحلة وجارى تدبيرها بقرض من احد البنوك ومش ناوي أسدد من دلوقت

• مشروع الأغذية الجاهزة ( الطعمية المطعمة بالخبز البايت بالعفن البنسلينى ) والبنية الأساسية المتمثلة فى طاسة القلي ووابور الجاز ميراث حضاري عن الجدة يصعب تقييمه بالمال والمرة الاخيرة لمحاولة تقييم هذا التراث تم عرضه على المثمن العالمى عليوة مبيض النحاس بالقرية حلف يمين بالثلاثة ان محاولتنا تقييم هذا التراث جعله ينسى مهنته وانهى كلامه بمنكم لله يا عالم يا ظلمة علشان انا مش تريقة كل شوية بطاسة القلية المعفنة

• المشروعات الصناعيةجحــــــــــــــــا

• تتمثل فى قلعة صناعية لصناعة وسائل الانتقال السريعة ( مصنع قباقيب )

• مشروعات الصيانة

• تتمثل فى الورش العملاقة لصيانة وسائل النقل والانتقال( برضه القباقيب )

• بناء على ما تقدم تم تشكيل الحكومة كالاتى :-

• رئيس الجمهورية بالانتخاب المباشر وقد قام الشعب اللى هو انا بانتخاب انا

• وزير الداخلية تم اختياره :- انا

• مهام وزير الداخلية :-

• اقفل الباب على انا واعتقل انا

• وزير التموين تم اختياره :- انا

• وظيفته تدبير العيش ابو شلن وشراء بخسين قرش طعمية وبصلة وشوية ملح ناعم

• وزير الزراعة تم اختياره :- انا

• مهامه تتمثل فى استيراد المبيدات المسرطنة علشان نخف اعداد السكان بعدد واحد اللى هو انا

• وزير الخارجية :-

• برضه انا ويتصل بى ولازم يعمل مشاكل وعدوات معايا

• مجلس الشعب :-

• وده مكون من انا وبالتزوير لانى متاكد ان انا منتخبتش نفسى

هشام الجخ - جحــــــــــــــــا

شعور سخيف
إنك تحس بأن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكوا اللي كان من تحت ميت واللي كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزارة للشحاتة
يا ساقية دورى
عدى فوقى ودوسي
نصبوا عليا وشحتونى فلوسي
ربطوني فيكى .. حتى ما اتغميت
هما اللي فرحوا ووحدي أنا اتغميت
أنا اللي صاحب البيت عايش بدون لازمة ولما مرة شكيت إدونى بالجزمة
مش لاقى تطفح أديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتي غدايا
وادي الاحبه التقى عدايا

أنا اللي زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللي فيكى قرف
كرامتنا متهانة
واللقمة بإهانة
بتخلفينا ليه لما إنتى كارهانا
يعنى إيه تبقى إنتى هبة النيل يا مزة
وكل يوم المية تقطع
يعنى إيه لما اشتكى غلو الفاتورة
يقولوا تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يأكل فيطفش
يعنى إيه نرفع أيدينا بالسلام لجل الغزاة
ويعنى إيه لما أبقى ماشى فى حالي أتشد اشتباه
يعنى إيه لما أتحبس أربع سنين حبس احتياطي حبس اعتباطي
يعنى إيه مش حاسة بالعمر وغلاوته
بتصبى مر العمر ليه
دة أنا كنت ح أوهب لك حلاوته
أنا عمري ما أتأمرت
ولا حطيت شروطي
ومكان ما ترسى مركبك بابني شطوطي
أنا كنت جيشك لما مماليكك باعوكى
وكنت يوسف لما عشتى سنين عجاف
وضلوعي دى اللي فى معركة قادش حموكى
وشفايفى دى اللي ما بطلتش فى يوم هتاف
دة أنا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامي اللي فاتت
مانتيش حبيبيتي من النهاردة
حبيبتي ماتت
علا صوت أدانك جرس فى الشدة صاحيين لك
من امتى كانوا الحرس هما اللي باقيين لك
بعتينى علشانهم وعنيكى معصوبة
ياهلترى خاينة ولا زيي مغصوبة
كل الكلام اتقال والشعر بقى ماسخ
والصبر علو جبال والظلم شيء راسخ
وطن وغرقان فى النطاعة
كل شيء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى إيه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما أبقى مش باسمع كلامكم
وماتزعلوش لما أبقى خارج عن النظام
مستني إيه من طفل ربوه بالزعاق؟
غير المشاكل والخناق
كل اللي ببقولك بحبك دول نفاق
أنا لما قلت لك بحبك كان نفاق
الحب يعنى اتنين بيدوا
مش ايد بتبني وستميت تيت تيت يهدوا
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى أحس بقيمتي فيكى
إني مش عايش عوالة
يعنى لما اعرق تكافأى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللي جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشي
مادام بعيد عن طيني ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله إلا طينك
إحنا اهلك إحنا رجالتك أمانك
إحنا وقت الشدة سندك إحنا زادك
يا جحا احمي ولادك
لو كنت عايز تحمى طينك
سوف أرحل ربما يلقاني من أرجو لقاه
هامشي ويا الشحاتين وأبكى على حلمي اللي تاه
بس مش هاشحت رغيف
هاشحت وطن لله
 http://www.facebook.com/video/video.php?v=1464554138425&oid=147759865289

ناس من شنبارة الميمونة: اعوذ بالله منكم يا بتوع شنبارة

ناس من شنبارة الميمونة: اعوذ بالله منكم يا بتوع شنبارة: "فكرة كتابة مذكرات تنتابني من حين لآخر ولكن سريعا ما تخرج إلى حيز اللا تطبيق لأسباب عديدة :ـأنني لست سياسيا كاذبا أو عالما مشهورا ..."

اعوذ بالله منكم يا بتوع شنبارة

فكرة كتابة مذكرات تنتابني من حين لآخر ولكن سريعا ما تخرج إلى حيز اللا تطبيق لأسباب عديدة :ـ

أنني لست سياسيا كاذبا

أو عالما مشهورا

أو فنانا يشار إليه بالبنان أو غير البنان

أو رحالة جال وطاف وشاهد

أو بطلا قوميا خاض بطولات

أنني اعترض كثيرا على نوعيات كبيرة من شرائح الشعب المصري

الأخيرة أنني اعترض على قارئي ومش عاجبك بتقرا ليه متقفل يابا الكمبيوتر ومتكملش قراءة شوف لك مدونة تانية اتفرج على فيلم... مسلسل صلى ركعتين اتخانق مع مراتك بس انا فى الاول وفى الاخر عارفك ...ستقرأ غصبا عن بوزك ياد انت وهى

سيقول القارئ :ــ

الرجل ده كــــــــــــــذاب

إيه عرفنا إن الكلام ده حصل

خليه يا عم يكتب هو حد حايشه

أنا كنت شاهد على الموضوع ده و محصلش

اشمعنى جاى يقول الكلام ده الوقت ده ومقالش من زمان ليه

ومش هاخلص من القارئ ولا السامع ولا البوليس ولا النيابة وهات يا نكت ولكنني أيها القارئ قررت أن اكتب . وأنت إذا أردت أن تقرا ألا فاقرأ . قررت عدم القراءة... بين الكاتب اللي هو أنا... وأعوذ بالله من قولة أنا... والقارئ اللي هو انت ...وأعوذ بالله منك انت... ومن أفكارك السوء ..( يفتح الله )محدش زانقك على القراءة . ستكمل القراءة وأنت تشتم . اشتم بس لو سمعتك مش سايبك . وإذا سبتك فسداد ديون . فانا يا محترم طول النهار ولساني زى المبرد طالع شاتم نازل شاتم . مرة اولمرت . شامير . بوش . اللى بالى بالك ..من العينة دى مبخليش . وبعدين اخش على الفنانين ولاعبي كرة القدم بالذات ولاعبي مصر فقط أظن بعد ما اشتم كل هؤلاء مش عايز أتشتم لا هاتشتم اشتم يابا الحاج .....خد راحتك واشتم

هتحلف إن ده محصلش . مزعل نفسك ليه يابا أنا فشار

مش عاجبك كتابتي متقراش ...بص بقى أنا اكتب على كيفي و انت تقرا على كيفك ...متقراش بس المهم( شيل القاف و حط الخاء)اعمل اللي تقدر عليه أنا وراك بالكتابة والزمن طويل

وشوف كمان أنا لن اسرد الأحداث بترتيبها الزمني أنا اللي هيطق في دماغي الأول سأكتبه وأنت تقرا من الأول من الآخر ميهمنيش متقراش خالص انت حر أظن أستاذنا القارئ لا يوجد ديمقراطية أو مهلبية أكثر من هذا كل واقرأ مش عاجبك اقرأ باستبدال القاف خاء لان ده اللي انت شاطر فيه

بعض الأسماء سأقوم بذكرها

والبند المشرف منهم :ـ العظماء وهؤلاء تاريخ واجب الشكر والامتنان لهم عندي واقل الوفاء ذكرهم بأسمائهم كاملة بل ووظائفهم

البند المقرف منهم :ـ وهؤلاء الزبالة والحثالة والنخاسة والنجاسة ومن قدموا اعراضهم للموائد وتباهوا بمعصية الله وإفشاء الغيبة والعيبة والخيبة سأذكرهم بأسمائهم أيضا وياريت واحد يرفع على قضية نفسى اكرر اللى هاكتبه فى المحاكم

البند الأخير منهم :ـ وهم الجبناء ومستبدلي اللات والعزى بالجنيه والمنصب والكرسي وهم من أهملهم التاريخ وكرههم المؤرخون والذي سأقول اسمه مستعارا يحمد الله وميجيبوش لنفسه وميقولش دا بيقصدنى انا لانى هاقول اه باقصده حتى لو مش هو المقصود واللى على راسه بطحة بيحسس عليها

أخيرا : ــ هاكتب بالعربية الفصحى أم بالعامية المصرية طبعا يا عمنا أنا مش أديب ولا محترف كتابة وأن كنت بقادر على الاثنتين

وبناء على ما تقدم أنا على كيفي اكتب كما يحلو لى مش بمزاجك يا قارئ ( والله انا مش عارف قارئ دى شتمه ياد انت وهى ولا ايه )

ملحوظــــــة :ـ لم أكن يوما كذابا ولن أكون واعرف تماما انك عزيزي تشعر بالعظمة وأنت تقرا تلك الحقائق فكاتبها يكتبها من أعماقك قبل أعماقه

وبداية القلاطة زى الكتاب الكبار اللي أنا منهم قررت أن أضع عنوانا لهذا العمل وقد أسميته :ـــ

صناعة العبيــــــد

وألف رحمة تنزل عليك يا عمنا ارنست همنجواى صاحب رواية لمن تدق الأجراس وكمـــا كتبت في مقدمتها لاتسألنى لمن تدق الأجراس إنها تدق لك

سأكتب كما العظماء

لا تسالنى اين تصنع العبيد

انها صنع مصر